വില്ലന് വേഷങ്ങളില് മാത്രം ഒതുങ്ങി നിന്നിരുന്ന ദിലീഷ് പോത്തന് അടുത്തിടെയായി ഒട്ടേറെ സിനിമകളില് ശ്രദ്ധേയ വേഷങ്ങളില് തിളങ്ങുകയുണ്ടായി. ഇപ്പോഴിതാ താരത്തിന്റെ കരിയറില് തന്നെ ഏറെ വ്യത്യസ്തമായ കഥാപാത്രമായി എത്തുകയാണ്. കിടപ്പു രോഗിയായ ഒരു വൃദ്ധന്റെ വേഷത്തില് ദിലീഷ് പോത്തന് എത്തുന്ന 'ചെവിട്ടോര്മ്മ' എന്ന ചിത്രത്തിന്റെ ട്രെയിലര് പുറത്തിറങ്ങി.
മുന് കാലങ്ങളില് മഹാ നടന് മുരളി ഒക്കെ ചെയ്തിരുന്ന പോലെ, എല്ലാത്തരം വേഷങ്ങളിലും തന്മയത്വമുള്ള പ്രകടനങ്ങളോടെ ആണ് ദിലീഷ് പോത്തന് ശ്രദ്ധയാകര്ഷിക്കുന്നത്. നായക വേഷത്തില് എത്തിയ 'റോന്ത്' ഈയിടെ മികച്ച വിജയം സ്വന്തമാക്കിയിരുന്നു. ഏറെ അഭിനയ പ്രാധാന്യമുള്ള യോഹന്നാന് എന്ന എസ്ഐ കഥാപാത്രമായി പോത്തന്റെ പ്രകടനം പ്രേക്ഷകപ്രശംസ നേടിയിരുന്നു. 'ഓ ബേബി', 'റൈഫിള് ക്ലബ്' എന്നീ ചിത്രങ്ങളിലും വ്യത്യസ്തമായ നായക കഥാപാത്രങ്ങളെ അവതരിപ്പിച്ച് പോത്തന് കയ്യടി നേടിയിരുന്നു . മികച്ച സംവിധായകന് മാത്രമല്ല മികവുള്ള നടന് കൂടിയാണെന്ന് തെളിയിക്കുകയാണ് സമീപകാല ചിത്രങ്ങളിലൂടെ ദിലീഷ് പോത്തന് .
സംവിധായകന്, നിര്മ്മാതാവ്, നടന് എന്നീ വിവിധ തലങ്ങളില് തന്റേതായ വ്യക്തിമുദ്ര പതിപ്പിച്ച താരം 'ചെവിട്ടോര്മ്മ'യിലും ഇതുവരെ കാണാത്ത വേഷപ്പകര്ച്ചയിലാണ് എത്തുന്നത്. ബുസാന് ഫിലിം ഫെസ്റ്റിവലിലേക്ക് ഔദ്യോഗിക എന്ട്രിയായി തിരഞ്ഞെടുക്കപ്പെട്ട ചിത്രം നേരത്തെ തന്നെ വാര്ത്തകളില് സ്ഥാനം പിടിച്ചിരുന്നു. എഴുത്തുകാരനും സംവിധായകനുമായ ലിയോ തദ്ദേവൂസ് ഒരുക്കിയിരിക്കുന്ന 'ചെവിട്ടോര്മ്മ' ബുസാനില് വിന്ഡോ റ്റു ഏഷ്യന് സിനിമ എന്ന വിഭാഗത്തിലാണ് പ്രദര്ശിപ്പിക്കുന്നത്.
ജീവിതത്തിന്റെ അവസാന നിമിഷങ്ങളില് മരണകിടക്കയില് കിടക്കുന്നവര്ക്ക് ഈശോ മറിയം യൗസേപ്പേ എന്ന അന്ത്യപ്രാര്ഥനകള് ചൊല്ലി അവരെ എല്ലാ കെട്ടുപാടുകളില്നിന്നും വിടുവിച്ച് ഒരു സമാധാന മരണത്തിന് സഹായിക്കുന്ന ത്രേസ്യയും പ്രമാണിയായ പായമ്മല് വര്ക്കിച്ചനും തമ്മിലുള്ള കൂടിക്കാഴ്ചയാണ് സിനിമയുടെ ഇതിവൃത്തം. പൗളി വത്സനും ചിത്രത്തില് പ്രധാന വേഷത്തില് എത്തുന്നു.
ഓസ്ട്രേലിയന് കമ്പനിയായ സ്റ്റോപ്പ് വിഞ്ചിങ് ഫിലിംസ്, ലവ്ലി ഫ്രെയിംസ്, അണ്കോംബ്ഡ് ബുദ്ധ, എസ് ഫോര് സിനിമാസ് എന്നീ ബാനറുകളിലാണ് ചിത്രം നിര്മിച്ചിരിക്കുന്നത്. ക്രിയേറ്റീവ് പ്രൊഡ്യൂസറും സ്ക്രിപ്റ്റ് എഡിറ്ററുമായ സ്റ്റീഫന് സക്കറിയാസിന്റെ നേതൃത്വത്തില് ലോകന് രവി, ജേക്കബ് സക്കറിയാസ്, ആദിത്യ ഗ്രോവര്, ഹര്ഷ് അഗര്വാള്, സാജന് ബാലന് എന്നിവരാണ് ചിത്രത്തിന്റെ നിര്മാണം. എയ്റ്റ്ത് ഡേ പ്രൊഡക്ഷന്സ്, ഗിറെല്ലി പ്രൊഡക്ഷന്സ്, വെരിറ്റേ പിക്ചേഴ്സ്, ടൂര്നാഗ് പ്രൊഡക്ഷന്സ് എന്നീ ബാനറുകളാണ് സഹനിര്മ്മാതാക്കളായുള്ളത്.
എന്.എഫ്.ഡി.സി. കോ- പ്രൊഡക്ഷന് മാര്ക്കറ്റ്, കാന്സ് കോ- പ്രൊഡക്ഷന് ഡേ, എന്.എഫ്.ഡി.സി. വര്ക്കിങ് പ്രോഗ്രസ്സ് ലാബ് എന്നിവയിലും ചിത്രം പ്രദര്ശിപ്പിക്കുകയും ശ്രദ്ധ നേടുകയും ചെയ്തിരുന്നു. ദേശീയ, അന്തര്ദേശീയ തലങ്ങളില് ശ്രദ്ധ നേടിയ എഡിറ്റര് കാര്ലോ ഫ്രാന്സിസ്കോ മനടാഡ് (ഫ്രാന്സ്), സംഗീത സംവിധായകന് മിലാദ് മോവഹെദി (ഇറാന്) തുടങ്ങിയവര് ചിത്രത്തില് പ്രവര്ത്തിച്ചിട്ടുണ്ട്.
ഛായാഗ്രഹണം: സ്വരൂപ് ശോഭ ശങ്കര്, എഡിറ്റര്: കാര്ലോ ഫ്രാന്സിസ്കോ മനടാഡ് (ഫ്രാന്സ്), പ്രൊഡക്ഷന് ഡിസൈനര്: ജോസഫ് നെല്ലിക്കല്, സംഗീത സംവിധാനം: മിലാദ് മോവഹെദി (ഇറാന്), മേക്കപ്പ്: റൊണക്സ് സേവ്യര്, സിങ്ക് സൗണ്ട്, സൗണ്ട് ഡിസൈന്: രാജേഷ് ശശീന്ദ്രന്, സൗണ്ട് മിക്സിങ്: തപസ് നായക്, വസ്ത്രാലങ്കാരം: രഞ്ജിനി മേരി റെജി, കലാസംവിധാനം: റോസ്മി അനുമോദ്, എക്സിക്യൂട്ടീവ് പ്രൊഡ്യൂസര്: നോബിന് കുര്യന്, കളറിസ്റ്റ്: റോബര്ട്ട് ലാങ്, ട്രെയിലര് കട്ട്: ഡോണ് മാക്സ്, അസ്സോ.ഡയറക്ടര്: അമൃത പാലശ്ശേരി, ഗ്രാഫിക്സ്: ബിനോയ് സൈമണ്, പബ്ലിസിറ്റി ഡിസൈന്: യദു മുരുകന്, പിആര്ഒ: ആതിര ദില്ജിത്ത്.
Content Highlights: Dileesh Pothan appears in a distinct avatar; the trailer for 'Chevittormma' has been released. He plays the role of an elderly, bedridden man.